Fyuri: "Vaylder tarixin ən güclü pançerlərindən biridir"

Superağır çəkidə sabiq dünya çempionu Tayson Fyuri rəqibi Deontey Vaylder haqda fikirlərini bölüşüb.

Böyük britanliyalı əlcək ustası onu tarixin ən güclü boksçularından biri kimi təqdim edib: “Rəqəmlər heç vaxt yalan demir. Vaylder tarixin ən güclü pançerlərindən biridir. 43 rəqibi nokauta göndərmək fantastik göstəricidir. İndiyə qədər hansısa boksçunun bu qədər nokaut etdiyini eşitməmişəm. O mənimlə ilk görüşdə də buna yaxın idi. Çox güclü zərbələri var”.

Xatırladaq ki, Tayson Fyuri - Deontey Vaylder döyüşü fevralın 22-də Las-Veqasda keçiriləcək. Bu, tərəflər arasında ikinci qarşılaşmadır. Onlar ilk dəfə 2018-ci ildə üz-üzə gəlmiş və gərgin mübarizə heç-heçə nəticələnmişdi. Menecerlərin sözlərinə görə, qarşıdakı döyüşün nəticəsindən asılı olmayaraq, tərəflər rinqdə 3-cü dəfə də üz-üzə gəlmək niyyətindədir.